峰壽司 (Closed)

其實今日同幾個frd底高層去食飯交換情報。去到唔使等位好奇怪🤔平時條隊好長吓⋯⋯見到個餐牌就知點解，因為加晒價😒一個餐都起碼貴左廿蚊。睇嚟佢哋想轉做行高檔路線。咪會一會佢啦。午餐得返六個餐最平嗰個＄79。咁反正都係就食個最貴既$99餐有幾條長壽司、有幾件刺身壽司、有幾舊蟹糕、三文魚子軍艦、仲有啲小卷。加個面豉湯同埋沙律菜。有位唔食生野既叫左鰻魚飯配烏冬面。其實賣相係靚咗嘅，啲嘢同以前差唔多啦。其實以前都新鮮嘅，不過賣相差啲但平啲。依家執翻好啲就賣貴啲。卡位窄到呢⋯⋯其實坐唔到四個人囉。