潮家 鵝稱王

Open Now

Now Closed

早幾日經過西環見到有間鹵水外賣店既門口好多人排隊；咁啱我屋企人中意食鹵水野，所以我都跟隊排下，斬番d料番屋企加餸❣️呢間外賣店主要系賣潮式鹵水，主打鹵水獅頭鵝片🦢，同鵝腸、鵝舌、獅頭鵝肝、鵝腎、鵝掌、鵝中翼，鵝紅．．．大部分既鵝部位都有😍啱哂我！除咗鵝之外，仲有賣沙薑雞、鹵水鴨、豬手、豬大腸、豬利、豬肚、紅腸、豬耳．．等等，都算幾多款式！我買左滿滿3大盒，佢地分別系👉🏻✨鹵水獅頭鵝片併鹵水鴨舌同獅頭鵝肝✨招牌鹵水獅頭鵝片皮厚肉多，仲要唔肥唔瘦啱啱好，鵝香豐腴好滑嫩，真係愈食愈香，意料之中嘅好味道👍🏻滷水鴨舌皮彈肉滑，可能係滷得好夠時間既關系，好易皮骨分離，小妹超中意食🫶獅頭鵝肝口感粉粉綿綿，而且好有厚度，食落肥而不膩，超有質感的！✨鹵水五花腩肉配鹵水豆腐✨五花腩肥瘦相間，質感好有彈性之餘仲完全唔覺有豬肉騷味！滷水豆腐質感綿韌較硬身，豆香味好重，大塊得梨仲好多汁，少數我認為係好食嘅滷水豆腐👍🏻✨沙薑雞✨呢個沙薑雞既沙薑香味極度濃郁，超有風味；雞皮爽滑、雞肉嫩滑，真係令人回味無窮👍🏻呢間潮式鹵水店既鹵味全部都色澤透亮好有色水，食落甘香味美入哂味，真係超好送飯👍🏻👍🏻屋企人食完都贊不絕口👍🏻🦢