Video
Read full review
2020-05-29
275 views
平時鍾意三兩知己周圍去cafe 飲下咖啡，輕鬆傾下計，不過甚少打食評，但今次實在太太太失望了，實在忍唔住。一間咁無誠意的 cafe，就請不要標榜自己專賣自製麵包。這間 cafe 每次經過都有人排隊，網上也好評如潮，而且仲要係黃店，所以一直都想黎試。今次約了朋友兩點，預早少少過黎排隊。兩點去到門口，裡面幾張枱都坐滿哂，講低左兩個人，店員話喺門口等一等。等了15分鐘，後來又有兩個人黎，佢地直接行左入去，出返黎示意我裡面其實有張枱，可以入去。我再行入去先知有張枱可以搭枱。重點：店員似乎忘記左我一直喺門外等緊。佢再問多我一次：請問幾多位，麻煩喺門口等一等先。。。都唔緊要了，我當你係太忙，呢d 都可以原諒。搭枱坐低左後，對面係一對情侶 (一呎半的距離，加上佢地嘅大聲量，佢地所有聊天對話都聽到哂！）其實都算了，唔關間店事。坐低睇下 order d 咩，咖啡的選擇都滿意的，點了一杯 dirty. 見對面的情侶點了個 scrambled egg toast, 炒蛋賣相不錯，諗住咖啡配個 toast 都不錯，最後是極為失望。先論咖啡，dirty 可說是每次去到一間新試的 coffee shop 必會試嘅
一間咁無誠意的 cafe，就請不要標榜自己專賣自製麵包。
這間 cafe 每次經過都有人排隊，網上也好評如潮，而且仲要係黃店，所以一直都想黎試。
今次約了朋友兩點，預早少少過黎排隊。
兩點去到門口，裡面幾張枱都坐滿哂，講低左兩個人，店員話喺門口等一等。
等了15分鐘，後來又有兩個人黎，佢地直接行左入去，出返黎示意我裡面其實有張枱，可以入去。
我再行入去先知有張枱可以搭枱。重點：店員似乎忘記左我一直喺門外等緊。佢再問多我一次：請問幾多位，麻煩喺門口等一等先。。。都唔緊要了，我當你係太忙，呢d 都可以原諒。
搭枱坐低左後，對面係一對情侶 (一呎半的距離，加上佢地嘅大聲量，佢地所有聊天對話都聽到哂！）其實都算了，唔關間店事。
坐低睇下 order d 咩，咖啡的選擇都滿意的，點了一杯 dirty. 見對面的情侶點了個 scrambled egg toast, 炒蛋賣相不錯，諗住咖啡配個 toast 都不錯，最後是極為失望。
先論咖啡，dirty 可說是每次去到一間新試的 coffee shop 必會試嘅咖啡。Shot 嘅味道一般，想像下加落室溫的奶？說好的凍奶呢？預期中那可以在口腔裡細嘗的層次呢？無。。。。。都是D, 不過不是 dirty, 是 disaster 不溫不熱的disaster.
咖啡，如果話撞手神，今次唔覺意用左室溫奶都可以好勉強咁原諒。
Scrambled egg toast 真係連原諒嘅藉口都俾唔到佢。真不可以原諒。
自己同友人嘅咖啡都上左，toast 係起碼三個字後先上。喺呢三個字裡面，我見到店員由店外拿住一包唔知六片定八片的嘉頓方包行入店內 (連收據）。然後店內才聞到炒蛋的味道。
無toast? 我都算了，你去隔離買包方包應付左個包都okay.
但 toast? 多士？我真長知識了，上碟的係，白方包。 無烘過的麵包可以叫 toast 嗎？想好的 "toast" 呢？無花無假，請看圖，真係白嘉頓麵包，無烘過，炒蛋就咁舖喺面。唔覺意影到對面枱果個 "toast", 不是嘉頓麵包，黃黃地的，唔知係唔係 brioche bread, 但至少唔係嘉頓白方包。
無烘都算了，連牛油都無搽。。。。就是白方包。嘉頓麵包就唔 comment 了，但加埋炒蛋，不出 5 分鐘，就變得很 soggy 了。用刀切切到方包都扁哂都未切得開。
最後友人幫我問店員拿了牛油，最後索性，蛋還蛋，牛油搽麵包算了！
炒蛋炒得幾好都無用，要扣分嘅地方多到唔夠扣。
好吧，我知 $38 唔係d 咩錢，可能真係唔夠錢買你啲自家製講到要 10 點黎排隊買嘅包。。。但一間標榜自家製麵包的地方，就算用嘉頓麵包可唔可以都俾d 誠意。如果真係無麵包，其實索性唔好賣呢個 dish 啦 ☹️!
想食toast 都係去隔離茶餐廳叫份蛋治啦，應該好食好多。
Post
