熊本牛鍋 (世宙商場)

Open Now

Now Closed

食火鍋，無論一年四季任何時間都係咁適合，呢日我哋嚟到元朗世宙商場既「熊本牛鍋」，發現呢度嘅火鍋真係好高質好豐富😝呢度最開心嘅係無限時任食，同朋友或者一家大細過嚟食，就唔使怕食到好趕時間，可以慢慢傾偈飲番杯👍🏻而且仲有唔同嘅優惠，首先只要讚好專頁再like and share，以及留言，就會免費送蒸海鮮，每日數量有限，送完即止，提早預約將會優先安排😋另外$268王牌套餐，$298澳洲和牛套餐，二人同行一人半價，優惠至到5月31號🙌🏻澳洲M4-M5和牛套餐，首先係香噴噴嘅日式和風雞煲，仲有齊澳洲M4-M5 和牛、牛肩胛、牛白肉、頂級牛肉、保濕豬豚肉，咁多款肉都係任食😋和牛肉味香濃，放落去淥幾下就可以即刻食🥰肉質軟腍嫩滑🙌🏻牛白肉脆而爽口，散發陣陣嘅牛油香味🥰另外幾款肉都同樣出色👍🏻蒜蓉蒸海鮮亦同樣高質，有齊蝦、帶子、蠔、仲有鮑魚😍大大隻非常新鮮，好滿足😍除咗咁豐富嘅海鮮同肉類，出邊仲有自助配料區，有齊唔同嘅丸類，餃子，魚片花枝滑，飲品亦係任飲，果汁汽水啤酒應有盡有😆仲有甜品區：雪糕、豆腐花、燉蛋，無限時真係可以慢慢食逐樣食😝