百伏棧台灣小吃

Open Now

Now Closed

走入黎大有商場本來係想去食三樓既小籠包，不過見有間新野排哂隊，所以就攞個menu黎睇。既然係唔係都要排，依間台灣野又好似幾好食，不如就試新野啦，所以就叫左個特價午餐外賣返公司：　紅燒牛肉刀削麵配珍珠奶茶：珍珠奶茶好好飲。奶，糖同珍珠既份量都好適中。個牛肉麵就有少少失望。張紙寫＂手工刀削麵＂，不過一打開個盒就知道係機切，唔係刀削，而且每條都好長，完全失去個刀削麵既意思。牛肉唔會好似某D餐廳咁硬，份量同味道都冇問題，只係佢既刀削麵同我想像既有出入，所以比我扣左分。特價午餐本為HK$36，轉配刀削麵加HK$3，外賣另加HK$1 。HK$40食到我咁飽，真係幾低架。