Video
Read full review
2016-10-29
372 views
番工咁辛苦，放左工決定去食炸雞飲番杯。呢間餐廳好有韓國氣氛，有位員工好似仲係韓國人。電視不斷播住韓國歌，餐廳嘅人都係飲酒食炸雞傾計。一黎到店員就送上配菜。有沙律，蝦條同蘿蔔。蘿蔔同沙律係好多韓國都有嘅開胃小菜，呢到仲有蝦條送酒雖然係小菜，但呢到嘅蘿蔔一啲都唔差，好開胃，酸酸甜甜咁，我地食完都問佢拎多左一盤。菜單都有唔少選擇，特別係炸雞，我諗都有十款以上。好似我呢啲選擇困難症嘅人簡左勁耐先簡到。最後簡左無骨蒜香蜜糖炸雞。因為我地得兩個人，所以份量都好夠，仲有配埋薯條。首先，個薯條炸得超正，熱辣辣。薯條冇特別嘅醬，但點炸雞嘅蜜糖醬都好夾主角蒜香蜜糖炸雞都好出色，俾我想像中好食好多。炸雞本身香脆可口，又係熱辣辣，咬落出仲有啲汁標出黎，加上我簡左無骨，食落去啖啖肉味道方面，雖然佢係蒜香蜜糖味，但冇咩蒜香味，重點都落左係蜜糖味到。呢款炸雞唔係做一般嘅蜜糖，而係蜜糖醬，令醬中不會唔係得蜜糖的甜味，仲有少少甜酸味，令整個炸雞更開胃。配上燒酒，真係放左工嘅一大享受。另外仲叫左個魚子芝士蛋卷。呢個都好驚喜，因為佢俾menu個樣仲吸引好多。呢個蛋卷嘅份量好大，我地兩個人最後飽到食唔晒。呢個菜式係蛋卷加芝士
一黎到店員就送上配菜。有沙律，蝦條同蘿蔔。蘿蔔同沙律係好多韓國都有嘅開胃小菜，呢到仲有蝦條送酒雖然係小菜，但呢到嘅蘿蔔一啲都唔差，好開胃，酸酸甜甜咁，我地食完都問佢拎多左一盤。
菜單都有唔少選擇，特別係炸雞，我諗都有十款以上。好似我呢啲選擇困難症嘅人簡左勁耐先簡到。
最後簡左無骨蒜香蜜糖炸雞。因為我地得兩個人，所以份量都好夠，仲有配埋薯條。首先，個薯條炸得超正，熱辣辣。薯條冇特別嘅醬，但點炸雞嘅蜜糖醬都好夾主角蒜香蜜糖炸雞都好出色，俾我想像中好食好多。炸雞本身香脆可口，又係熱辣辣，咬落出仲有啲汁標出黎，加上我簡左無骨，食落去啖啖肉味道方面，雖然佢係蒜香蜜糖味，但冇咩蒜香味，重點都落左係蜜糖味到。呢款炸雞唔係做一般嘅蜜糖，而係蜜糖醬，令醬中不會唔係得蜜糖的甜味，仲有少少甜酸味，令整個炸雞更開胃。配上燒酒，真係放左工嘅一大享受。
另外仲叫左個魚子芝士蛋卷。呢個都好驚喜，因為佢俾menu個樣仲吸引好多。呢個蛋卷嘅份量好大，我地兩個人最後飽到食唔晒。呢個菜式係蛋卷加芝士加沙津醬等唔同嘅配料，一諗到就知好食，大量嘅芝士配上蛋卷，好邪惡但好吸引，啲芝士仲會拉絲添！不過呢個會比較易飽同濟，兩個人真係食唔晒。
我地仲叫左支燒酒（$82），係柚子味，比起一般嘅燒酒易入口啲，但都仲係好勁。因為燒酒嘅酒精濃度都好勁，所以兩個一支就夠啦。不過呢到有樣唔好就係水係要俾錢嫁
今次呢兩個菜式都好食，但我比較中意炸雞。因為蛋卷係我想像中的味道，雖然都好食但冇太大驚喜。但炸雞真係有驚喜的味道，之後都會想試埋其他味。
Post
