緣聚西日餐廳 (西裕街) (Closed)

約左人食生日飯，點知咁大雨，都無阻雅興繼續食放題。地點有D難搵，唔係成日黎元朗未必識黎，係嘉誠廣場後面。九點後二人同行一人半價，提早訂有九折。加錢要埋生蠔蟹腳任食，D蠔好新鮮，食落爽口，蟹腳都唔差，一樣鮮甜，但食得有啲麻煩。鵝肝多士好鬆化，正呀～黃金蝦，勁多鹹蛋黃勁正。焗蠔都好正，芝味十足，encore又encore。再食多士同埋生蠔，爽！蕃薯仔又係正，牛油焗又甜又香。鮮甜蟹粥，唔食有損失。炸餃子至愛，飽滿好味。甜品都食左好幾樣，呢個椰子味雪條好少見，勁椰味，好似椰汁糕咁。