鹿鳴春飯店 (Closed)

今晚和長輩慶生，揀咗老牌飯店鹿嗚春，諗住俾上一代懷勉一下過去，點知中曬伏。先黎兩碟前菜:花生同酸菜。花生無咩味又唔香。酸菜太甜又唔夠酸。麻醬雞絲粉皮，同樣地，好難食。淥粉皮啲水都未“鯨”乾，麻醬無味，唔香，雞絲肉同雞皮份量相等，成碟野淡而無味，粉皮太硬無口感。一個字:差。北京片皮鴨，師傅係你面前皮，都有成廿塊鴨皮，唔算太脆，味道還可。至於塊白色皮，真係未食過咁厚，差1mm,就厚過塊鴨皮。食兩塊，已經成晚都唔洗再食野。唯一可取係配料青瓜同京蔥，以及海鮮醬分量夠，唔洗問可唔可以俾多少少。仲有京蔥炒牛肉，毫無特別，又無咩鑊氣，可以唔叫。小籠包，無湯汁。炸醬麵，好一般，麵質淋。總括而言，呢度雖然價格ok，而且都有地道老香港風味，但食物質數就唔係咁好食，帶老外朋友黎見解下老香港就得，但要食好味上海菜，就有好多其他更多選擇。