Video
Read full review
2019-08-04
103 views
今晚同朋友一齊食飯，因為好耐無見，所以想搵一個坐得舒適，食得出色既地方聚下。原來大家都鍾意食麻辣，所以就去左呢間好出名既渝人碼頭火鍋店到食火鍋啦。😍😍入面有兩層，我地坐上層，無一張枱都好大好闊落，坐得好舒服，呢個環境適合朋友相聚，一邊食，一邊傾，一邊飲👍🏻👍🏻打邊爐最緊要料靚新鮮之外，湯底都好重要。話明食四川火鍋，點可以吾點麻辣湯底。我地叫左主打既重慶麻辣湯底同埋酸菜魚湯底。湯底一到，我地緊係先飲下個酸菜魚湯。好好飲，而且佢地用貴花魚做個湯底，可以講係啖啖肉，非常開胃😍😍飲完啲湯，食完啲魚，加一加湯，火鍋配料開始上菜。先黎係墨魚滑及蝦滑。外觀賣相非常吸引，做到心型外觀。而且佢地用料充足，入面好明顯食到墨魚肉同埋蝦肉，真材實料👍🏻👍🏻之後重有牛肉拼盤，入面有好靚既本地手切肥牛，金錢𦟌，牛柳粒，牛舌同埋牛胸爽（白色果件）。本地手切肥牛超好食，勁有牛味，而且雪花同肉既比例好好，好高質素。另外個牛舌都不能睇少，一啲都吾硬，好有咬口，真係想食多幾件。白色果件牛胸爽，原來好好食，我第一次食白色既牛肉，佢都好有牛味，但吾夠本地肥牛濃味。雖然係咁，但佢非常爽口，如果想食牛味無咁濃，但爽口既牛肉，牛胸爽
入面有兩層，我地坐上層，無一張枱都好大好闊落，坐得好舒服，呢個環境適合朋友相聚，一邊食，一邊傾，一邊飲👍🏻👍🏻
打邊爐最緊要料靚新鮮之外，湯底都好重要。話明食四川火鍋，點可以吾點麻辣湯底。我地叫左主打既重慶麻辣湯底同埋酸菜魚湯底。
湯底一到，我地緊係先飲下個酸菜魚湯。好好飲，而且佢地用貴花魚做個湯底，可以講係啖啖肉，非常開胃😍😍
飲完啲湯，食完啲魚，加一加湯，火鍋配料開始上菜。先黎係墨魚滑及蝦滑。
外觀賣相非常吸引，做到心型外觀。而且佢地用料充足，入面好明顯食到墨魚肉同埋蝦肉，真材實料👍🏻👍🏻
之後重有牛肉拼盤，入面有好靚既本地手切肥牛，金錢𦟌，牛柳粒，牛舌同埋牛胸爽（白色果件）。本地手切肥牛超好食，勁有牛味，而且雪花同肉既比例好好，好高質素。另外個牛舌都不能睇少，一啲都吾硬，好有咬口，真係想食多幾件。
白色果件牛胸爽，原來好好食，我第一次食白色既牛肉，佢都好有牛味，但吾夠本地肥牛濃味。雖然係咁，但佢非常爽口，如果想食牛味無咁濃，但爽口既牛肉，牛胸爽會係你最佳既選擇😍😍
我地重叫左呢個鮮淮山，好靚，紫色加白色，又係好美觀既賣相。👍🏻👍🏻淮山新鮮，一入口就溶化，吸埋麻辣湯既味，一流，真心停吾到口。
講左咁耐，我吾記得介紹埋啲湯底。我好少食材放入去酸菜魚個湯，因為麻辣先係今晚重點😍
麻辣湯我地選擇微辣，但我覺得下次可以試小辣。麻辣味將食材既鮮味提升左，我強力建議大家試下。食到辣辣地，念返碗酸菜魚湯，太美味了😍😍
再黎就係鮮鵝腸，好爽口，都係放麻辣湯，又係必食推介👍🏻👍🏻
尾聲我地叫左啲菜，菜真係吾可以放麻辣湯，會勁辣😂
最後我地叫左南瓜餅同炸雞軟骨做甜品。
個南瓜餅又係必食，熱辣辣，入面既豆沙饀超好味😍
整體係超高質麻辣火鍋，大家如果鍾意食麻辣火鍋，強烈推介去呢間渝人碼頭火鍋👍🏻
推介指數爆燈⭐️⭐️⭐️⭐️⭐️
Post
