Gelare (Closed)

行開新蒲崗就嚟mikiki食晏! 又係late lunch不過連早餐都未食 就食個大大分all day breakfast啦。好味， 啲蛋唔會太多牛油同奶味， 純正嘅蛋味，茄汁豆翻熱咗嘅 (like!)， 煙肉啱啱好係小小脆， 粟米應該調咗味， 少少甜少少鹹幾好味！ 朋友黎到同我share多份waffle， 侍應好細心等我食完個breakfast先至上waffle! 真係估唔到個waffle咁好食，我哋配咗香蕉，cappuccino雪糕同埋cookies n cream，waffle食落係外脆內軟 你睇下我切開咗，入邊係好多氣孔， 所以先可以做到外脆內軟！ 雪糕有種黏黏嘅感覺， 夾埋waffle & cream 一齊食真係一流。餐廳出面有露天茶座嘅！不過今日凍咗啲同埋天陰陰， 我哋都係坐咗室內。 陽光普照嘅日子喺外邊嘆番杯咖啡真係好正！