Video
Read full review
2012-09-11
5 views
之前在另一間分店食過Misocool，印象OK，就試下呢間尖沙咀分店！晚上食飯時間，冇咩人排隊，即刻有位 (唔洗等)，但之後… 1.點野食，第一個侍應「啊」左一聲之後冇左踪影… 第二個侍應都係咁… (呢個係咪佢地代客的態度？) 隔左幾分鐘之後先有人真的幫我落單… d侍應好似睇唔到人架 (或刻意逃避客的眼神！)… 我見到身邊幾個客都好冇耐… 2.落到單都唔好咁開心住… 之後係漫長的等待… 我都算係有耐性同尊重現今打工仔的人… 心諗，佢地廚房係咪唔夠人呀？我都只係簡簡單單叫左個 “野菌雜菜拉麵”… 足足等左15分鐘！唔對路啦，忍唔住要追下單！3.唉，係要人追先有得食… 算，因為我已經好肚餓！但… 等左咁耐… d食物質素差到呢… HK$58唔值！去茶餐廳食個HK$30左右的餐都可能好過佢！野菌幾條，雜菜 = 幾條老生菜… 拉麵仲恐怖，不是一條條分開的… 有一執係 “拿”埋一 “舊”，d湯… 一d都唔熱… 我自問食野唔係好講究… 但呢個質素真係唔得lor！想點呀大佬… 大跌眼鏡，仲火都黎！4.冇heart的食肆… 快d執左去啦… 仲要收我服務費，唔係幾蚊比唔起，而係真的比唔落手！最後忍唔住同埋
晚上食飯時間，冇咩人排隊，即刻有位 (唔洗等)，但之後…
1.點野食，第一個侍應「啊」左一聲之後冇左踪影… 第二個侍應都係咁… (呢個係咪佢地代客的態度？) 隔左幾分鐘之後先有人真的幫我落單… d侍應好似睇唔到人架 (或刻意逃避客的眼神！)… 我見到身邊幾個客都好冇耐…
2.落到單都唔好咁開心住… 之後係漫長的等待… 我都算係有耐性同尊重現今打工仔的人… 心諗，佢地廚房係咪唔夠人呀？我都只係簡簡單單叫左個 “野菌雜菜拉麵”… 足足等左15分鐘！唔對路啦，忍唔住要追下單！
3.唉，係要人追先有得食… 算，因為我已經好肚餓！但… 等左咁耐… d食物質素差到呢… HK$58唔值！去茶餐廳食個HK$30左右的餐都可能好過佢！野菌幾條，雜菜 = 幾條老生菜… 拉麵仲恐怖，不是一條條分開的… 有一執係 “拿”埋一 “舊”，d湯… 一d都唔熱… 我自問食野唔係好講究… 但呢個質素真係唔得lor！想點呀大佬… 大跌眼鏡，仲火都黎！
4.冇heart的食肆… 快d執左去啦… 仲要收我服務費，唔係幾蚊比唔起，而係真的比唔落手！最後忍唔住同埋單侍應反映：「其實你地唔值得收我服務費lor，野食等左15分鐘，d麵係咁ge？(show比佢睇d麵一舊舊)。」無叫佢waive服務費，但連個侍應都覺得唔係好掂，waive左個幾蚊。
5.唉，從不寫食評唱衰人唱到咁甘，但今次忍唔住，離開後決心要在openrice反映反映，給大家參考…
(sorry，個日已冇咩心情，急急腳食完 “pe” 野之後走左，冇影到相！)
Other Info. :
等食的途中，枱底好似有d蚊子仔咬咁… anyway，呢個可能係我諗多左，但好癢…
(The above review is the personal opinion of a user which does not represent OpenRice's point of view.)
Post