新明記肥牛豬骨煲

Open Now

Now Closed

上個星期五同朋友做生日,朋友提議嚟呢度打邊爐,話之前嚟食過覺得幾好味,於是一早訂左枱,好彩訂左枱炸,全場爆滿呀!我地七個人坐係近門口張枱度,張枱好細張.朋友已order左嘢食啦,我地叫左清湯加唦嗲湯底,另外叫左好多嘢食呀.鮮腐竹,炸腐竹,生根,鮮牛肉,珊瑚蚌,粟米,西米菜餃,魚皮鮫,鮮帶子,鯇魚片,黑豚肉,休菇,墨魚滑及蝦滑,西洋菜,公仔麵,烏冬,手打牛丸,螺片.....等等等等....個清湯底都有豆腐及紹菜係入面的,食材方面鮮帶子好大粒及新鮮,彈牙爽口好味,鮮牛肉片都好淋好味呀,賣相都好靚,薄薄一片,好快熟,正呀! 西洋菜餃好特別,朋友話好味的,好大粒好多西洋菜係入面的啊,好味.魚皮餃一般啦.粟米好甜好味,鮮腐竹及炸腐竹都一般啦.螺片好硬好難咬,冇咩味道的,手打牛丸,墨魚滑,蝦滑都好爽口新鮮,鯇魚片好薄好快熟,都冇鯹味喎,我鍾意食呀!仲有炸芋頭,好淋好入味,朋友話吸晒D湯既味道,正呀!公仔麵及烏冬加埋D湯一齊食都好好味呀!我食左一碗麵及烏冬添呀!!越夜越多人,服務都好好,嘢食都好快上俾我地,不過後尾太多人的關係,所以都唔可以坐係度太耐了,食完都要走.10點幾走門口都坐滿人,全條街冇咩