Video
Read full review
2023-12-28
19 views
每逢12月，總會想約唔同嘅朋友出嚟gathering食好啲，本來想食壽司郎，但實在太多人排隊喇，轉過彎就見到呢間Cafe，一睇個門口就已經俾佢嘅文青風格吸引左，又係我最喜歡嘅日系淺木色。入到去佢嘅裝潢令人覺得好舒服，枱同枱之間唔會太迫，同朋友傾偈都可以傾得relax啲。睇個餐牌佢嘅lunch都吸引，仲竟然有生酮menu，從來未試過生酮飲食嘅我，就試吓個慢煮雞前胸脆脆椰菜花藜麥飯。朋友驚生酮飲食會好快肚餓，所以揀咗香煎帶子紫蘇葉明太子醬意粉。第一次食椰菜花飯，原來口感真係同飯好相似，有少少爽口，又似食沙律又似食飯，好似好健康咁，本身我唔係好鍾意食雞胸肉，佢個慢煮雞竟然出奇仲好嫩滑，加埋佢有d Nuts，mix埋一齊入口，真係幾清新，完全係減肥首選！佢個紫蘇葉明太子醬又係一個好特別嘅配搭，完全估唔到紫蘇葉可以同意粉一齊食，有d鹹香味，好好食！佢d drink加廿零蚊就有，我哋要左Dominican 60%朱古力同熱情果梳打，杯朱古力個面係脹卜卜嘅朱古力粉，勁靚，好唔想破壞嗰個膨脹感我哋見到隔離枱有人食甜品，搞到我哋都忍唔住要一個士多啤梨拿破崙抹茶芭菲，唔係講笑，真係好食，面頭有吉士拿破倫，
睇個餐牌佢嘅lunch都吸引，仲竟然有生酮menu，從來未試過生酮飲食嘅我，就試吓個慢煮雞前胸脆脆椰菜花藜麥飯。朋友驚生酮飲食會好快肚餓，所以揀咗香煎帶子紫蘇葉明太子醬意粉。
第一次食椰菜花飯，原來口感真係同飯好相似，有少少爽口，又似食沙律又似食飯，好似好健康咁，本身我唔係好鍾意食雞胸肉，佢個慢煮雞竟然出奇仲好嫩滑，加埋佢有d Nuts，mix埋一齊入口，真係幾清新，完全係減肥首選！佢個紫蘇葉明太子醬又係一個好特別嘅配搭，完全估唔到紫蘇葉可以同意粉一齊食，有d鹹香味，好好食！
佢d drink加廿零蚊就有，我哋要左Dominican 60%朱古力同熱情果梳打，杯朱古力個面係脹卜卜嘅朱古力粉，勁靚，好唔想破壞嗰個膨脹感
我哋見到隔離枱有人食甜品，搞到我哋都忍唔住要一個士多啤梨拿破崙抹茶芭菲，唔係講笑，真係好食，面頭有吉士拿破倫，crunchy又鬆脆，個底嗰層濃味抹茶mix埋yogurt 真係好正
Post
