Video
Read full review
2022-07-26
114 views
好耐冇去旅行, 成日都心掛掛想食日本野.v.,今日係尖沙咀畀我發現一間正宗日本餐廳—八海山日本料理聽朋友講, 八海山原本已經開業足足超過20年~有咁多年歷史, 我諗都唔會伏得去邊, 一於同朋友去試一試佢。入到場內, 見到餐廳環境並冇好氣派既裝潢, 反而似係日本旅行時經過既小店, 有陣濃濃既日本氣息!!當日去到仲見到有某間英文學校既老師帶住一大班同學黎食!係日本同學黎架~同場仲有唔少日本人~~即刻大大提升左我對喱到既期望~由於同朋友都比較肚餓, 叫左明太子煎蛋卷﹑牛肉薯餅﹑刺身拼盤﹑牛油帶子﹑仲有個明太子炒飯首先要介紹牛肉薯餅, 對於平日就好鐘意食薯餅既我黎講, 喱個牛肉薯餅真係好出色, 薄薄一層既炸粉夾住細滑既薯蓉, 鬆脆但一d油膩感都冇~食兩三舊都冇食緊炸物既罪疚感, 眼見廚房幾盤幾盤咁拎D薯餅出黎, 喱到既薯餅一定係即叫即製架~明太子煎蛋卷亦令人驚喜,蛋卷軟嫩綿密, 蛋身有厚度挺身,中間夾住滿滿既明太子, 一啖咬落去超滿足的!喜歡明太子的不要錯過~~刺身拼盤就係去日本餐廳必叫之選, 試食最原本既食材味道就知道餐廳用料新唔新鮮, 拼盤有帶子﹑八爪魚﹑三文魚﹑油甘魚同埋吞拿魚……由於本
聽朋友講, 八海山原本已經開業足足超過20年~有咁多年歷史, 我諗都唔會伏得去邊, 一於同朋友去試一試佢。入到場內, 見到餐廳環境並冇好氣派既裝潢, 反而似係日本旅行時經過既小店, 有陣濃濃既日本氣息!!當日去到仲見到有某間英文學校既老師帶住一大班同學黎食!係日本同學黎架~同場仲有唔少日本人~~即刻大大提升左我對喱到既期望~
由於同朋友都比較肚餓, 叫左明太子煎蛋卷﹑牛肉薯餅﹑刺身拼盤﹑牛油帶子﹑仲有個明太子炒飯
首先要介紹牛肉薯餅, 對於平日就好鐘意食薯餅既我黎講, 喱個牛肉薯餅真係好出色, 薄薄一層既炸粉夾住細滑既薯蓉, 鬆脆但一d油膩感都冇~食兩三舊都冇食緊炸物既罪疚感, 眼見廚房幾盤幾盤咁拎D薯餅出黎, 喱到既薯餅一定係即叫即製架~
明太子煎蛋卷亦令人驚喜,蛋卷軟嫩綿密, 蛋身有厚度挺身,中間夾住滿滿既明太子, 一啖咬落去超滿足的!喜歡明太子的不要錯過~~
刺身拼盤就係去日本餐廳必叫之選, 試食最原本既食材味道就知道餐廳用料新唔新鮮, 拼盤有帶子﹑八爪魚﹑三文魚﹑油甘魚同埋吞拿魚……由於本人唔好食魚, 今次我就試左帶子同八爪魚, 帶子肥美勁鮮甜大大粒, 一食就知道唔係剛剛係急凍拎出黎, 八爪魚亦都唔遜色, 鮮味足爽脆有口感~朋友食左其他魚類刺身亦話油香味好出色, 食唔停口0V0
我地亦叫左一客牛油帶子試下熟既帶子!係另一種口感:> 帶子超級厚肉, 同牛油簡直係天作之合, 食落去啖啖肉, 滿口牛油香氣, 勁滿足呀~
明太子炒飯份量亦都唔細, 明太子用料足, 想食飯都可以試下!! 人均$300-$400食到咁正宗既日本餐, 好抵呀0V0
Post
