Video
Read full review
2011-07-24
642 views
6個傻婆星期六7點唔知頭唔知路走0左上黎Branto。 入到去見到茶餐廳嘅格局已經坐左幾枱客。 傻婆們好肚餓，打開個餐牌想求其叫…佢係有中文…但係睇唔明囉。 侍應好好俾0左d相我地睇， 仲有哂編號。只不過編號同餐牌嘅解釋又唔同。 有咩理由個張相明明係薄餅， 去到個餐牌度變左炒飯呢？ 算啦…傻婆們太肚餓， 開始亂嗌野食。先0黎呢個Dahi Puri， 凍食。 個好似蟹殼嘅東西裝住酸乳酪，仲有d綠豆同小小薯粒。 點知食食下有d辣…唔食得辣嘅傻婆即刻中伏!!再上呢個看似肉醬不是肉醬的紅咖哩+麵包的Pav Bhai。 有蕃茄、洋蔥粒同有少少椰菜花面頭加少少芫茜的紅咖哩~好好食， 不過都有點辣。 麵包有d似Focaccia。 麵包沾上少少咖哩同洋蔥粒，再加幾滴檸檬汁…好惹味~朋友話一定要叫0既Masala Dosa！ 個樣贏哂，好大塊！正當我以為佢只係一塊普通嘅薄餅…原來佢中間係有餡0家！朋友話要壓扁佢加旁邊嘅椰絲醬或好似茄汁嘅醬食。個薯仔餡好好食~ 呢個時候侍應遞上一盤3式醬。左邊0個個甜嘅， 好似BBQ ribs 嘅燒烤醬；中間辣0家；右邊嘅香草醬有D乳酪香。仲有半個洋蔥同檸檬…究竟有咁多醬
先0黎呢個Dahi Puri， 凍食。 個好似蟹殼嘅東西裝住酸乳酪，仲有d綠豆同小小薯粒。 點知食食下有d辣…唔食得辣嘅傻婆即刻中伏!!
再上呢個看似肉醬不是肉醬的紅咖哩+麵包的Pav Bhai。 有蕃茄、洋蔥粒同有少少椰菜花面頭加少少芫茜的紅咖哩~好好食， 不過都有點辣。 麵包有d似Focaccia。 麵包沾上少少咖哩同洋蔥粒，再加幾滴檸檬汁…好惹味~
朋友話一定要叫0既Masala Dosa！ 個樣贏哂，好大塊！正當我以為佢只係一塊普通嘅薄餅…原來佢中間係有餡0家！朋友話要壓扁佢加旁邊嘅椰絲醬或好似茄汁嘅醬食。個薯仔餡好好食~ 呢個時候侍應遞上一盤3式醬。左邊0個個甜嘅， 好似BBQ ribs 嘅燒烤醬；中間辣0家；右邊嘅香草醬有D乳酪香。仲有半個洋蔥同檸檬…究竟有咁多醬我食邊樣呢…
因為咁多醬嘅關係，我地忍唔住叫左個飯撈醬食…同個侍應姐姐研究左好耐應該叫邊個飯好…唔知係咪佢頂唔順我地咁煩，無端端話等佢發板…就慘啦. 呢個飯根據個餐牌上面寫係: 蔬菜炒飯…冇錯，真係好多蔬菜，但係又係好辣！同行不嗜辣的朋友又飲左一噸水…
為0左安慰唔食到辣嘅朋友，就叫左呢個招牌pizza (order前再三肯定唔係辣)。個餅底硬到好似食餅乾咁，普普通通咁啦。可能好好味都未定，因為當時大家都辣到冇咩味覺啦…食左300幾蚊, 6個人除返都係50幾蚊, 幾抵食.
Post
