金華美食

Open Now

Now Closed

呢間長沙灣嘅小食老店，位置絕對唔便利，門店都絕對唔起眼，但絕對唔簡單！長期放工時間都keep住人籠排隊。佢只不過係簡單賣d魚蛋燒賣腸粉小食，食過好幾次都保持到水準.辣陳皮魚蛋 $7 🌶🌶🌶- 辣汁辣到真係飛起，但愈辣就愈想繼續食，佢算係慢慢滲出黎嘅辣，同持續都幾耐😆但勁辣之餘又唔會冇左魚味，仲勁彈牙。自問食得辣嘅朋友真係要黎挑戰下啊！燒賣 $7 - 必食之選。非常煙韌，基本上食過嘅魚肉燒賣黎講佢算係第一喇。但唯一缺點係，小店嘅衛生環境其實都幾麻麻，但對於傳統舊式小店，個人認為都接受到嘅！老闆每日風雨不改都會開鋪，係好有性格嘅老闆！ 希望大家也可支持更多此類型小店，勿讓小店消失啊😭