Video
Read full review
2022-05-03
167 views
男朋友生日，請佢食餐好去慶祝吓，我揀咗帶佢嚟呢間食Omakase 。我哋揀咗套餐：心。前菜：白子，螢光魷魚，松葉蟹水雲擺盤好靚。白子係炸嘅，好香口，內裏嫩滑creamy ，冇生食個樣咁核突，容易入口。螢光魷魚好好味。水雲爽滑，味道微酸配上松葉蟹肉，好開胃。刺身五款野生九繪魚，石班科，味道少少煙韌，呢種魚冇乜魚油，味道較為清淡，配上紫蘇葉嘅花瓣去食，好有花香味，在沾上辣椒豉油有提味效果。赤牡丹蝦，蝦子，蝦頭第二種刺身，同樣擺盤好靚，靚到唔捨得食。赤牡丹蝦大隻，爽滑好有鮮味，上面有啲蝦膏，師傅用火槍輕輕燒過，非常甘香，最上面嘅有啲蝦子，層次好豐富，插在上面嘅係柚子花蕾，呢個花唔食得但係聞起上嚟有股清香。蝦頭師傅就炸到成隻好香脆，成隻都食得，好有蝦味，但食嘅時候要小心啲蝦爪嘅短刺。沙甸魚呢個沙甸魚用紫菜卷到成個花卷咁，沙甸魚上邊灑咗啲芝麻，食落去好香口。長崎中拖羅上面放咗海膽，然後灑咗少少淡雪鹽，用紫菜包住食，超正。紫菜師傅用火槍燒過，特別香脆，中拖羅魚有豐富入口溶化，海膽亦都鮮甜，淡雪鹽帶出鮮味。 紫海膽首先食咗好得意嗰隻炸澤蟹先，河蟹仔係即時師傅捉去炸，好新鮮。然後再食上面嘅caviar
前菜：白子，螢光魷魚，松葉蟹水雲
擺盤好靚。白子係炸嘅，好香口，內裏嫩滑creamy ，冇生食個樣咁核突，容易入口。螢光魷魚好好味。水雲爽滑，味道微酸配上松葉蟹肉，好開胃。
刺身五款
野生九繪魚，石班科，味道少少煙韌，呢種魚冇乜魚油，味道較為清淡，配上紫蘇葉嘅花瓣去食，好有花香味，在沾上辣椒豉油有提味效果。
赤牡丹蝦，蝦子，蝦頭
第二種刺身，同樣擺盤好靚，靚到唔捨得食。赤牡丹蝦大隻，爽滑好有鮮味，上面有啲蝦膏，師傅用火槍輕輕燒過，非常甘香，最上面嘅有啲蝦子，層次好豐富，插在上面嘅係柚子花蕾，呢個花唔食得但係聞起上嚟有股清香。蝦頭師傅就炸到成隻好香脆，成隻都食得，好有蝦味，但食嘅時候要小心啲蝦爪嘅短刺。
沙甸魚
呢個沙甸魚用紫菜卷到成個花卷咁，沙甸魚上邊灑咗啲芝麻，食落去好香口。
長崎中拖羅
上面放咗海膽，然後灑咗少少淡雪鹽，用紫菜包住食，超正。紫菜師傅用火槍燒過，特別香脆，中拖羅魚有豐富入口溶化，海膽亦都鮮甜，淡雪鹽帶出鮮味。
紫海膽
首先食咗好得意嗰隻炸澤蟹先，河蟹仔係即時師傅捉去炸，好新鮮。然後再食上面嘅caviar同埋矜貴嘅金箔,然後再食主角原隻季節性嘅紫海膽，呢隻海膽味道比較淡啲，食多都唔會好膩。
蒸炸金鯛
今日嘅熟食料理係金鯛魚，魚鱗炸到卜卜脆，好似花瓣咁，魚肉就係以蒸嘅方式做，好有魚鮮味，好滑，伴碟嘅日本南瓜蓉好清甜。
食完之後抖抖，就到壽司。次序由下圖左至右，上至下咁睇）
清心懸平靜魚
口感彈口，油甘魚科，油份不重，微甜，師傅握得壽司飯好好，唔太實，又唔會鬆散。
金目鯛
呢款魚較平靜魚魚味濃啲，油份重d，食埋魚皮下嘅脂肪。
赤睦魚
鱸魚科，師傅炙燒過帶出魚油，魚油甘香，好油潤，連埋少少生蒜食，好香好惹味。
大拖羅
超肥美，油份極重，入口即溶，食到舔舔脷。
右口魚
炙燒後入口即溶，魚油超香，再配上白松露，好享受。
赤海膽
秋山水產，好甜，爆多海膽，超邪惡。
白海膽
呢個師傅請我地食，呢種海膽係高級d海膽，重海膽味，口感細膩，超鍾意。
魚湯
呢個魚湯超鮮甜，而且熱辣辣，食完壽司之後飲熱湯好舒服。
宮崎赤蜜瓜，日本蕨餅，朱古力雪糕
甜品嘅presentation都好靚，蜜瓜香甜，朱古力雪糕香滑，唔會太甜，為我哋今餐畫上完美句號。
Post
