爆丼丼 (Closed)

鍾意食日本嘢嘅 我梗係要嚟食下荃灣呢間網上爆紅嘅爆丼丼 六點鐘嚟到 唔使點等位 但係一對七點就變咗人龍小店好誇張鋪頭都算大 放到十張枱左右 入面全部都係木枱木櫈有日本嘅感覺 但係相對較狹窄 坐得唔太舒服叫咗個炸芝士年糕 外皮炸得好脆 入面係軟糯嘅年糕 包住香濃嘅芝士 口感豐富安格斯牛肉鵝肝丼 個飯好巨型 男人食都絕對夠飽 鵝肝大大塊 不過略嫌煮得過熟 口感有啲粉 而且有陣蘇味 但係牛肉整得出色 加上黑椒等嘅醬汁夠曬惹味 而且一啲都唔韌 撈飯一流極上甜蝦丼 海鮮好新鮮 分量都好多 包括有海膽 三文魚 油甘魚 帶子同埋巨型甜蝦 最驚喜係超級厚切三文魚腩 咬落去啲魚油爆出嚟 勁鮮甜 同埋巨型甜蝦 有成八吋長 夠曬鮮味埋單都係三百五蚊左右 以日式丼飯黎講唔算貴 絕對物有所值