Video
Read full review
2017-01-16
476 views
舅父無聊得濟叫我地一齊走去食下午茶，仲要走過幾個站去食，幸好舅父有車，慳番幾步腳骨力。朝早過左舅父屋企幫手搬屋，所以今餐係佢請既！因為勞動完真係有點肚餓，所以我地幾條友叫多幾碟，出下胃力，舅父當然就要出下財力啦牛頭角個間龍門冰室都有食過，同樣地我都好鍾意佢既黑白裝修設計下午茶時間都幾多人，我地爽手就叫左D下午茶同甜品我的Tea Set叫左C款粟米薯蓉球 搭 1號三色西多士。粟米薯蓉球我以為係小小一個球，到黎原來係一盅薯蓉，因為我自己好鍾意食薯蓉，所以好正咁自己一個毒吞哂！薯蓉面頭有香草，有D微焦，入面有D煙肉片同粟米，鹹鹹地，個底仲溶溶地，感覺好似有D芝士咁，好正本來都仲諗緊三色士多係咩黎，原來係有三種醬既西多：士多啤梨醬、藍莓醬、焦糖醬。三種都甜甜地，兩種有果醬粒粒香，一種焦香，而且西多中間仲係有牛油，而且都幾軟熟，好易切好易咬青芥醬蜜糖雞翼，近來都幾鍾意食芥末蜜糖，不過呢到既芥末真係好刺鼻既個種，食到我眼水都標哂，好刺激，但又好好食雞翼煮熟哂，有浸浸甜甜蜜糖味，而且唔會太細隻，啖啖肉，而且皮仲有D脆脆咁脆脆紅豆綿花糖，因為店員突然同我地講冇哂紅豆，所以其他料改多D比我地。綿花糖個面
朝早過左舅父屋企幫手搬屋，所以今餐係佢請既！
因為勞動完真係有點肚餓，所以我地幾條友叫多幾碟，出下胃力，舅父當然就要出下財力啦
牛頭角個間龍門冰室都有食過，同樣地我都好鍾意佢既黑白裝修設計
下午茶時間都幾多人，我地爽手就叫左D下午茶同甜品
我的Tea Set叫左C款粟米薯蓉球 搭 1號三色西多士。粟米薯蓉球我以為係小小一個球，到黎原來係一盅薯蓉，因為我自己好鍾意食薯蓉，所以好正咁自己一個毒吞哂！
薯蓉面頭有香草，有D微焦，入面有D煙肉片同粟米，鹹鹹地，個底仲溶溶地，感覺好似有D芝士咁，好正
本來都仲諗緊三色士多係咩黎，原來係有三種醬既西多：士多啤梨醬、藍莓醬、焦糖醬。三種都甜甜地，兩種有果醬粒粒香，一種焦香，而且西多中間仲係有牛油，而且都幾軟熟，好易切好易咬
青芥醬蜜糖雞翼，近來都幾鍾意食芥末蜜糖，不過呢到既芥末真係好刺鼻既個種，食到我眼水都標哂，好刺激，但又好好食雞翼煮熟哂，有浸浸甜甜蜜糖味，而且唔會太細隻，啖啖肉，而且皮仲有D脆脆咁
脆脆紅豆綿花糖，因為店員突然同我地講冇哂紅豆，所以其他料改多D比我地。綿花糖個面焗得好靚，好豐滿肥厚，中間有沙律菜，下面就係粟米脆片。
綿花糖好綿好黏，真係好似平時燒綿花糖咁，熱食更加甜。夾埋中間甜甜既粟米片，簡直甜上加甜，真心係要食超甜或者好鍾意好多好多綿花糖同粟米片既朋友先好點，因為真係甜死人不賠命啊！
仲有配個醬，我要左朱古力醬，不過我自己覺得唔加好食D
還有我的黑牛。本來係想要雪糕紅豆冰，亦都係因為冇哂紅豆既關係，我就轉左同樣有雪糕既黑牛啦！原來雪糕仲有得揀要咩味，我就揀左朱古力，好濃好滑！
可樂同杯與雪糕是分開上，我先加少少可能係底，慢慢再食雪糕，溝少少可樂，感覺好得意，冰涼的雪糕加上好足氣的可樂，就連佢隻鐵杯都好夠凍
Post
