珠江酒家

Open Now

Now Closed

珠江酒家，唔就腳、唔靚、附近難泊車、附近乜都無，但晚晚爆，識得黎既就淨返真係識欣賞老闆獨一無二既手藝既人星期四晚9點黎到無訂位好彩有一枱啱啱走，店舖又舊又唔太乾淨，枱面都ok，上二樓會感覺好啲，紙皮石都唔會係大家既心水，都係focus係餸菜罷啦餐廳叫你讀晒出黎都難，多款到，老闆就係賣特色，佢既小菜唔係你平時食到既，可能聽都未聽過，蠔爽、鴨下巴、蝴蝶腩、魚尖、野山豬，無數咁多味道亦從無需要擔心第一個就食個必食既蠔爽，$68碟食到佢118一碟，仍然咁正蠔味濃而唔漏，爽身香口，外面鑊氣足而入面腍腍蠔肉，加埋炒都好香既葱粒魔鬼在細節，送酒一流，如果第一次黎，老闆撚手野點都要試下另一十大菜式，豉油皇鵝腸，貼切啲，係豉油皇肥腸非常creamy既口感，你會驚訝原來鵝腸可以做到依個口感、依個味道一抽放入口真係正，好漏之際，開始夾下下面既芽菜一齊食，刻意芽菜整得脆身、爽身一啲，平衡下肥腸既肥好細心去設計架涼拌花甲最後先上，唔平但個量唔會hea俾你，啲花甲疊起有高度架個涼拌汁無得輸啦蒜夠、又香，辣得惹味花甲隻隻都大既，鮮味會出啲千其唔好唔食下面既脆青瓜，都係好好味既珠江小菜，無可挑剔啦，只係依家真係貴左同