金記冰室 (Closed)

老字號金記冰室，睇電視廣告都唔少啦係西環開始重新包裝重開，開到周圍都有分店添，裝潢就新裝舊派，光猛舒服係聚腳同歎港式下午茶既好地方保留冰室傳統，食物種類並非以多取勝，招牌推薦有幾款，包括：鮮豬潤通粉、焗豬、西多配雪糕、蛋白杏仁茶、生炸雞脾等等聽到都想食鮮豬潤通餐，火腿奄列唔使講啦，豬潤通已經配左大量葱同薑絲豬潤係厚身個隻，爽滑，口感不錯，味道亦鮮連葱、薑絲、湯一齊食果然係招牌之選，通粉細細粒，同大舊既豬潤好夾如果湯既味濃多少少就完美金記生炸雞脾，賣相一流望落食落都唔油，雞皮香脆生炸既關係，肉質鮮嫩，仲有肉汁，唔會乾或者實加左啲椒鹽，好鬼惹味成隻脾唔同既部位都幾好味果然係招牌，即食麵以為求其野，點知湯底都有花啲心機，味道幾好幾特別，又唔會過鹹超班既茶餐當然要品評下杯茶，用左隻畫滿舊建築既杯，有心機茶唔算好香，入口相當滑，奶味濃而同茶味結合得唔錯奶多但唔合稀身，反而質感幾厚身，好茶！好多想活化舊招牌既餐廳都只係金玉其外，金記雖然價錢比較貴，但各樣食物、環境、味道都keep到，算係幾有質素服務都相當好，希望佢唔好執啦#呢間無做晚市六點就收舖#食客後生仔多過老人家