奧壽司

Open Now

Now Closed

帶完狗狗去大草地玩之後係時候醫下肚。但係數碼港既食肆唔多，好彩都有比較大路既日本餐廳。先講一下呢間既餐廳環境，呢度既樓底好高而且顧客既聲浪都唔太大。感覺都幾舒服。劍魚腩壽司，海膽壽司 - 海膽好creamy ，香甜。而劍魚腩既油脂都好多，不錯。三文魚腩手卷 - 三文魚好大件唔似出面一啲舖頭咁食到一半就變左紫菜飯。雲丹蟹粥 - 蟹粥裡面有好多蟹膏，而且粥好甜。 而且店家好貼身咁提供左工具，等我地可以食啱裡面既蟹肉。芝士吉列軟殻蟹 - 芝士有拉絲既效果，沙津菜呢個配答都可以解芝士同吉列既油膩感。燒腩仔肉 - 腩仔肉配上大蒽好夾，而且味道又唔會好咸。雞腎七味燒 ，牛脷串 - 牛脷既牛味好重，燒得好好味。鰻魚蟹子炒飯 - 好香口，而且份量都唔少。吉列蠔 - 可能餐廳有賣生蠔，所以連炸蠔既蠔都特別新鮮同大隻。做得特別好味。