京滬佳餚 (The LOHAS康城) (Closed)

最近有唔少新餐廳進駐將軍澳日出康城商場The LOHAS，今晚特登約埋同事一齊去試新開業既「京滬佳餚」。主打新派摩登京滬菜，裝潢時尚，環境寬敞，更設露天用餐區。招牌小籠包外皮厚薄適中，皺褶工整，肉餡以新鮮豬肉製，鮮甜多汁，咬落有充盈湯汁，肉味香濃。北京填鴨三食半隻京滬酥烤填鴨，以西式蒸烤風爐燜烤製成，烤得酥脆金黃，表皮香酥鬆化，皮下脂肪少，油膩感不重；鴨肉嫩滑多汁，火候控制得剛好。配以八款配料，夾埋柔軟荷葉餅一齊食，包括蒜蓉、青瓜、京蔥、填鴨醬、心內美、哈密瓜、白糖及山楂糕，食落好有層次感，勁滿足。雲吞鴨肉湯湯頭鮮甜呈奶白色，鴨肉滑嫩，雲吞潤滑有彈性。京醬涼瓜炆鴨架鴨架肥而不膩，涼瓜甘甜厚身，燜煮醬汁夠哂惹味。脆皮牛肋骨條牛肋肉份量十足，伴碟更有原條牛骨，賣相相當吸引。牛肋肉外層香脆帶甜味，咬落啖啖肉，牛味香濃，口感又香又脆，好有驚喜!蘿蔔絲酥餅好精緻既賣相，外酥內軟，蘿蔔絲夠哂清甜，香酥可口，味道同口感都好豐富。柚子冰茶清香可口，清凉解渴。冰糖葫蘆烏龍茶混合柚子梳打、烏龍茶、冰糖、山楂等，酸酸甜甜，醒神又開胃。