隆濤院 (Closed)

位於尖沙咀1881內的庭院！尖沙咀的一片靜土。餐廳設計古式古香、清雅及非常懷舊。今天和家人一起食團年飯，在有家感覺的餐廳食飯特別開心！頭盤點了隆濤叉燒皇、化皮乳豬件、隆濤烤鴨。主食點了雙花魚、鵝肝蝦丸、油鹽水菜芯、椒絲腐乳唐生菜、隆濤烤鴨生菜包(二食)、鮑汁燴飯。甜品點了豆沙窩餅作結尾。叉燒皇水準一般、一d都唔鬆軟。乳豬燒到芝麻皮又唔肥、好味。烤鴨皮雖然唔鬆化但每次食烤鴨都會由大廚出馬去片鴨、十分認真、整體味道都幾好、反而特別是包鴨的麼麼皮、每一張都用一張紙隔開又薄又有餅香、感覺又衛生、正！鵝肝蝦丸、蝦膠打得好彈牙又夠香脆但可能鵝肝唔受火，所以唔覺有鵝肝香味。生菜包鴨鬆炒得好有鑊氣又唔油膩！好有住家餸feel。雙花魚是最突出的一味餸、用桂花魚炸香加上桂花、玫瑰花、花蜜調味，花香加上魚鮮味、魚肉炸到外脆內軟、入口美味無窮！鮑汁燴飯、鲍汁香濃而不膩飯香而且軟棉，非常好味道！好味到連相都唔記得影😆！豆沙窩餅是即叫即做、香脆可口豆沙餡料平均而且唔油膩但好上火。餐廳出品向來有保證、服務用心。值得一試！