北海道食堂 (Closed)

疫情咁耐又冇得去日本，好多時心血來潮想去食魚生刺生，都會選擇食放題，貪佢一個價錢可以不停咁食，唔洗就住就住驚食得太貴😆。今晚同阿女就選擇咗入沙田中心嘅*北海道食堂*。今晚選擇左$268嘅極上放題，除左魚生，壽司🍣，卷物外，仲有鐵板燒、串燒、天婦羅、沙律、日式火鍋等等。行到餐廳最入，就係飲品同雪糕區域，全部都係任飲任食。第一round必點刺身，三文魚、油甘魚油脂豐厚、帶子鮮甜、八瓜魚刺生有靱度、白玉豚第一次食，入口甘香帶些小爽度、墨魚鮮甜黏口，刺身唔算大件，但都算係厚切，入口有口感，刺身部份叫左幾round，每次都保持倒水準。鐵板燒 - 燒蝦、帶子、魷魚鬚、炒野菜。先講燒蝦，蝦頭同蝦身仲緊緊連接住，可見非常新鮮，蝦身肉質夠彈，而且非常大隻，滿足口感；帶子燒完好細粒😆，但好甜美，如果大粒啲更prefect；魷魚鬚我嘅至愛，有咬口，越𡁻越香；全部都係即叫即燒，上枱仍保持熱度，唔錯。串燒雞軟骨必點，有咬口；大蔥燒完香到不得了。天婦羅面層炸漿唔太厚，薄薄一層包住食材，所以食完唔會覺得好溜；炸墨魚咀同雞軟骨就一般。牛肉火鍋，呢個絕對必點😆 除左有大量蔬菜，金菇，豆腐墊底外，齋睇面頭個pack牛肉都