金鶴拉麵 (荷李活道) (Closed)

之前去左中環半山大館參觀，旁邊就有地鐵兩蚊優惠站，嘟完一望落樓下就有間金鶴拉麵喎，之前都唔知呢個位有間分店，而且喺中環唔知食乜好，咁啱見到就試下啦！今次叫咗個日本北海道極濃蟹湯拉麵，一送到嚟出曬煙熱辣辣我最鍾意，即刻試啖湯底先，個湯底勁creamy，比起佢個雞白湯一啲都唔小輸蝕，而且夠曬鮮味，麵身軟硬適中，佢個會碗唔算細但都鋪滿咗好多蟹肉，仲有一大片豚肉，可能佢係慢煮，一d都唔會韌，旁邊仲有兩大片紫菜配合埋咁濃嘅湯好掛曬上紫菜度，本身已經有半隻糖心蛋，現場裝埋佢個會員仲可以多一隻溏心蛋添，唔使係咁加錢就食到一碗完整嘅拉麵，食到底仲熱辣辣真係好加分！