山下菓子 (Closed)

之前一路以為"山下菓子"係日本品牌, 原來係香港品牌黎既😛佢主打好多卡通主題既甜品，例如roll cake, macaron, 曲奇，朱古力等等，賣相同包裝真係好靚好吸引😍。另外仲有賣一啲日本直送既甜品，咁啱起fb 見到介紹好正，就買左兩個cake食飯時同親朋戚友試一試😚。首先係北海道千層忌廉蛋糕，班戟皮真係好薄。第一啖食落去感覺好似食緊雲呢嗱雪糕咁。個cream 真係非常滑同creamy!!! 上半層cream 比較重奶香不太甜，下半層cream 就食到香甜既雲呢嗱味，小小一件已經滿足味蕾，多食就會膩。😋跟住呢個仲正，就係北海道牧家芝士蛋糕。面頭有層薄脆焦糖，係好似沙糖咁幼細，咬落脆卜卜有驚喜。微酸既芝士同焦糖既香甜味好夾，但又唔會好漏。個蛋糕雖然好細個，但其實每人一小件已經啱啱好，好滿足😋兩樣都好好味，下次試埋佢其他自家甜品先😚