北海道食堂 (Closed)

懷念日本的味道 ，所以就去咗沙田北海道食堂， 食放題 。我哋揀咗極盛放題， 有百幾款食物多地揀。我哋點左溫泉蛋沙律和三文魚沙律做前菜， 溫泉蛋入口即溶， 佢嘅蛋汁同沙律菜融合，好好味。雞軟骨同燒雞翼， 雞軟骨好香脆 ，好有口感， 雞翼燒得好甘黃香脆。刺身都好新鮮 ，又好豐富 ，有三文魚刺身 ，甜蝦刺身，鮑片刺身， 吞拿魚刺身， 北極貝刺身， 食得出全部用料新鮮。我哋最鍾意食仔炸廣島蠔，外脆內軟，我哋都叫咗好多隻。燒鵝肝，鵝肝好香脆， 一啲都唔騷。鰻魚壽司，香芒鵝肝壽司， 味道都好好， 好有日本地道壽司嘅風味。我同媽媽一人一隻燒大蝦， 大蝦香脆可口 ，啖啖肉 啖啖汁。 炸墨魚咀都好好食 ,香脆可口。我地都叫左豚肉火鍋，用料豐富， 新鮮。