現 (Closed)

平時唔多去北角，心目中亦都冇咩餐廳收藏名單，隨手喺食評網搵間咖啡店歇歇。原本見啲蛋糕幾吸引，不過最後點左份多士飽左，哈。下次再訪會試試Cafe Gen位置幾隱蔽，不過其實幾近地鐵站，小店一間，以白色為主，玻璃大窗增加空間感，門口位置影相幾靚。到訪當日以單人客人為主，都係睇書，好寧靜。小小規模，但餐牌選擇算多，除左多士、蛋糕、muffin等，仲有輕食好似沙律、漢堡、全日早餐；每位最低消費一杯飲料。French Toast $62法式多士即點即製，價錢唔貴，賣相亦幾靚，士多啤梨雕花多士邊位稍硬，未沾滿蛋漿，勝在麵包口感香軟，亦唔太甜。Dirty $34咖啡幾啱飲，夠滑，而且唔會太「奶」。