現 (Closed)

夜晚係北角做完野，同朋友唔想食茶記，係地鐵站附近行下行下，見到後街竟然有間裝修簡約嘅白色文青小店，就打算入去試下。入去先知原來就快Last order（入舖過左八點，當日係收九點），所以部份食物例如漢堡、French Toast就無提供。呢間要比錢先，叫朋友幫手點菜，原本想食牛油果意粉，上菜先發現朋友點錯左做蘑菇意粉。首先係Assorted Mushroom Linguine（$74），好正常嘅香草蘑菇扁意粉，無汁乾身嗰種，調味唔錯，黑胡椒比較多。放係雲石碟上幾靚，係份量略少左啲，可能我太肚餓啦。Sesame Latte（熱，+$20）都還好，係飲到最後有好多芝麻渣。New York Cheesecake（$56）就係朋友額外點嘅，我無食到，不過佢就話味道唔錯。雖然食物唔算有驚喜，但地點方便得黎又算寧靜舒適，只要唔係好似我地咁遲去，想慢慢坐嘅都可以一試。