Video
Read full review
5 day(s) ago
0 views
好朋友生日，除左同佢食個靚靚下午茶外，當然仲要同佢食下高級少少嘅野。今次選左呢間係北角嘅日法Fusion 餐廳，叫「Brikete Bistro」，中文名叫君子餐廳，好得意嘅名。北角地鐵站A1出黎行個1，2分鐘就搵到，超方便。星期六食晚飯估唔到都有Set Dinner 可以揀，唔錯！Set Dinner 包Starter 同一款main course, 有平價同豪氣版，2百到6百都有，總有一款你岩。坐低就有熱麵包俾你，配上自家製銀魚柳蛋黃醬，讚！即刻清晒😌前菜先試左「忌廉蘑菇湯」，好濃好creamy，仲好大碗，完全可以兩個人share黎食。「法式鵝肝焦糖燉蛋配田園沙律」：個鵝肝焦糖燉蛋我超鐘意呀！佢係你食開既新鮮出爐焦糖燉蛋入面混入左好多鵝肝，口感層次好豐富，唔鐘意就咁食鵝肝嘅朋友都食到停唔到口，必試！「油封法國鴨腿配新薯同紅莓汁」：係唔係法國鴨我就食唔出啦，不過只鴨腿好大一只，煮到岩岩好，好入味，配上薯蓉同紅莓汁醬，好夾好易入口，最後清得好乾淨，咁你知好唔好味啦。另一款主菜食左「 波士頓龍蝦扁意粉伴龍蝦汁」：話明慶祝生日當然要揀個豪嘅。龍蝦已經去左殼撈埋係扁意粉入面，切到岩入口嘅一粒
星期六食晚飯估唔到都有Set Dinner 可以揀，唔錯！Set Dinner 包Starter 同一款main course, 有平價同豪氣版，2百到6百都有，總有一款你岩。
坐低就有熱麵包俾你，配上自家製銀魚柳蛋黃醬，讚！即刻清晒😌
前菜先試左「忌廉蘑菇湯」，好濃好creamy，仲好大碗，完全可以兩個人share黎食。
「法式鵝肝焦糖燉蛋配田園沙律」：個鵝肝焦糖燉蛋我超鐘意呀！佢係你食開既新鮮出爐焦糖燉蛋入面混入左好多鵝肝，口感層次好豐富，唔鐘意就咁食鵝肝嘅朋友都食到停唔到口，必試！
「油封法國鴨腿配新薯同紅莓汁」：係唔係法國鴨我就食唔出啦，不過只鴨腿好大一只，煮到岩岩好，好入味，配上薯蓉同紅莓汁醬，好夾好易入口，最後清得好乾淨，咁你知好唔好味啦。
另一款主菜食左「 波士頓龍蝦扁意粉伴龍蝦汁」：話明慶祝生日當然要揀個豪嘅。龍蝦已經去左殼撈埋係扁意粉入面，切到岩入口嘅一粒粒，好似我friend 咁懶嘅就岩晒。龍蝦肉同汁融入意粉入面，冇得輸啦。
Post
