炯記餐室 (美麗閣)

Open Now

Now Closed

今日想食燒味飯係北角搵到炯記燒味， 見吊住好多燒鵝好吸引， 亦都吊住好多隻雞， 始終佢最出名係手撕雞， 一定要試手撕雞！ 我叫左燒鵝撈麵， 鹽焗手撕雞腸粉， 醬王豬手飯跟例湯， 酸辣無骨鳳爪。 手撕雞好滑， 再配上芝麻， 味道仲夾d , 雞肉肥瘦均勻， 雞皮都滑溜溜， 好有雞味， 配埋腸粉有真係幾夾。 燒鵝撈麵， 燒鵝好脆皮， 淡淡肉， 配左燒鵝醬好好食， 撈麵好彈牙！ 豬手好出色， 肉非常嫩口而且似乎慢煮來， 肉炆得好淋身， 好易咬開， 火口剛剛好， 加上佢既醬王， 味道更濃！ 另外。 我叫左小食， 叫左酸辣鳳爪， 鳳爪是無骨的， 酸酸甜甜， 好開胃， 非常不錯！