神

Open Now

Now Closed

同日本啲拉麵店一樣，喺門口用自助機點餐比完錢就會出飯劵，入店內比店員坐定定就有得食喇！店內嘅自助吧只要嗌咗嘢食就可以享用，包括沙律、白飯、羅宋湯、青檸水任飲！調味料款式超過10款以上，性價比都幾高！☄️牛柳300g（$128）牛柳食落有咬口得嚟又唔會太靭，食落去醃料味道唔會好濃，唔會蓋過哂牛嘅味道，整體表現個人覺得對得起價錢！☄️安格斯牛400g（$198）對比起牛柳，安格斯牛就真係有少少令人失望。牛嘅肉質比較硬，食落有啲靭同帶有少少騷。餐廳舖面雖然細，不過除咗嘢飲得水同青檸水兩樣之外，自助吧嘅嘢款式都算多。白飯仲有飯素比大家揀，羅宋湯都落足料，隨手一羹都係滿滿嘅牛腩，算係幾有驚喜。