紫蝶花 (Closed)

最近將軍澳中心終於裝修完，所以都會有新餐廳進駐，其中今次係食呢間紫蝶花。去泰國餐廳叫椰青係default飲品。柚子檸檬梳打，唔太甜，飲慣青檸梳打既朋友可以一試海南雞飯就係泰國餐廳一定要叫既，除左隻雞要夠滑之外，油飯都要有雞味先可以稱得上合格。而紫蝶花以上都做到哂，大家一定要試下啦翡翠苗都係一個小清新既菜式，炒得唔油膩又唔咸。馬來咖哩軟殼蟹，隻蟹都幾大份，4個人食就岩岩好，個咖哩都好香濃。呢個炒金邊粉既濕度岩岩好，麵既軟硬度都適中。冬陰公湯唔算太辣，反而蕃茄味最突出，份量4個人都岩岩好。牛油雞冀炸得唔油膩，牛油又唔太重味，不過就好有蒜頭味。叫左青檸焗爐魚，因為要即焗既關系要等15分鐘以上，好在都冇令人失敗，爐魚唔會焗到乾身，反而好多汁，魚肉要連皮食就最好啦，因為調味料都係哂上面。