Good Times Restaurant And Bar (Closed)

睇完戲後行落去聯和墟睇吓有咩食，行行吓發現一間環境唔錯嘅西餐廳，所以就入去坐低試吓，餐廳有兩邊，一邊係酒吧，另一邊係餐廳。當時大約晚上八點幾左右，客人不多，因為只想飲下啤酒吹下水睇吓波，所以無點晚餐，只點了小食薄餅同炸魚薯條，薄餅個皮薄，而炸魚亦炸得皮脆再配埋手工啤酒係唔錯嘅。原本想再點其他小食同點多杯啤酒，不過原來餐廳呢邊同廚房收九點半，所以食得有啲趕急，其實如果職員能夠提醒餐廳呢邊營業時間會更好。