大和堂咖啡店

Open Now

Now Closed

講起九龍城，大家都會諗到泰國菜，但呢區近年都開咗好多cafe，無論裝修定食物都非常高質！好似大和堂咁，門口牌匾十分搶眼，前身係一間醫館同中藥材行，經活化後變成特色cafe。呢間cafe好受歡迎，而且只得walk-in，經常都有排隊人龍。今次早少少去到，好彩唔洗排太耐😆 Cafe保留咗以前醫館嘅金漆招牌、百子櫃、牌匾同鐵閘等，而且欣賞佢樓底高，空間感十足👍🏻 傳統英式早餐作為all day控又點可以錯過呢！炒蛋好大份，而且加入糖醬，甜甜哋幾特別。小蕃茄經過醃製，撈埋茄汁豆，令茄汁豆變得好食😂麵包係用酸種包，唔錯。反而薯餅就冇乜薯仔味，失色咗啲🥲 肉醬意粉🍝肉醬份量多，可以裹住意粉。流心蛋嘅蛋黃加強意粉嘅香味。 雞蛋仔與雞🐓大和堂嘅招牌菜😋西檸醬炸雞配雞蛋仔，一上菜都幾大嘅視覺震撼😂西檸醬酸酸甜甜勁開胃，降低炸雞嘅油膩感。略嫌唔夠醬汁，令炸雞同雞蛋仔都比較乾，有啲可惜。 皇牌氣血茶🫖有桂圓、紅棗、千日紅、康仙花、金盞菊、黑枸杞。都係補血氣嘅中藥同花，味道甘香，有淡淡嘅花香味。