十下火鍋

之前聽朋友講起銅鑼灣有間打邊爐既餐廳，裝修好懷舊，好似係大排檔打緊邊爐既滋味，今日下午就同朋友慕名而來，都見外面都有幾個人等緊佢開門！排左一陣店員就好快手安排左2人坐位比我地、店員推薦我地2個人可以食個十下2人套餐，咁我地二話不說就話好！👍👍 說時遲那時快，店員已經送上超香菇味既火鍋湯底比我地，我地揀左雙拼既湯底：清燉山藥菌菇湯&養生豆乳白鍋！等左6-7分鐘左右個湯底就滾起啦！當然第一時間飲左個湯底先，超香濃既菇菌味，好清甜！而另一邊就好有豆乳味道，飲完都覺得自己皮膚會白左咁！😁😁😁首先我地先落左粟米，蘿蔔等佢地慢慢滾起，再落雞肉，陳皮魚蛋，流心粟米丸同三星蔥貢丸，雞肉好嫩滑，帶有少少酒味，食完陳皮魚蛋令我唸起企係街邊食魚蛋個種感覺！ 鳳城水餃🥟就好足料，有蝦，木耳同豬肉十分爽口。鴨血就好滑，一咬開就好快滑左落去喉嚨度、另外個響鈴係打邊爐極力推薦既食品，連同埋個蘿蔔索晒個湯味超爽！三寶滑就好似出奇蛋咁，一次過可以試晒3款口味，店員好細心咁幫我地分落埋個湯度，仲幫我地撥走埋d 飄鈴！非常貼心既服務！最後主打出場，落埋個大刀手切牛，灼一灼就食得，個肉好重牛味，十分嫩滑，正！配埋寬冬粉一齊食