Video
Read full review
2023-01-24
92 views
有一排都成日見到詹sir嘅電影同舞台劇，突然好似好耐都冇再見過詹sir，然之後朋友介紹佢有個新劇場仲有飯食，咁有趣，咁不如試下。原來二月仲要有好幾場表演，聽講好快去哂飛，今晚呢場係好似首映咁，咁啱有幾個朋友都鍾意佢都話想去睇吓，咁就不如一齊。其實之前都有嚟過呢間十八夢，之前同朋友食lunch食過，見到佢有個stage又好似有表演睇，仲話喺NFT餐廳，個人都覺得幾有趣，但係估唔到今日呢個表演先至係我完全冇試過嘅經歷。以捕夢為題做一餐飯，係唔係都幾得意，真係聽都未聽過，美食劇場真係好少見，仲要有音樂有藝術有美食，香港都算係首創。唔劇透太多，反而同大家講吓啲嘢食。呢個show係一個有四個course嘅晚飯。先上場嘅有一個叫夢海浮沉，其實係一個羅馬蕃茄羅勒湯，同我上次食lunch嘅感覺一樣佢嘅器具都好靚，好多劇場嘅員工仲幫你可以加湯，個支阿拉丁神燈仲更加靚。然之後呢個餐盒，又係令你好驚喜，有得食有得玩，一開個盒，就有一隻蝴蝶飛出嚟，隔離嘅女士真係俾佢嚇到呼叫，但之後見到呢個咁別出心裁嘅裝飾都覺得好有驚喜。呢個餐盒裏面有多種唔同嘅刺身，有帆立貝，有鰤魚，有馬冀海膽，有真蠔，全部都新鮮而且擺盤擺得
原來二月仲要有好幾場表演，聽講好快去哂飛，今晚呢場係好似首映咁，咁啱有幾個朋友都鍾意佢都話想去睇吓，咁就不如一齊。
其實之前都有嚟過呢間十八夢，之前同朋友食lunch食過，見到佢有個stage又好似有表演睇，仲話喺NFT餐廳，個人都覺得幾有趣，但係估唔到今日呢個表演先至係我完全冇試過嘅經歷。
以捕夢為題做一餐飯，係唔係都幾得意，真係聽都未聽過，美食劇場真係好少見，仲要有音樂有藝術有美食，香港都算係首創。
唔劇透太多，反而同大家講吓啲嘢食。呢個show係一個有四個course嘅晚飯。
先上場嘅有一個叫夢海浮沉，其實係一個羅馬蕃茄羅勒湯，同我上次食lunch嘅感覺一樣佢嘅器具都好靚，好多劇場嘅員工仲幫你可以加湯，個支阿拉丁神燈仲更加靚。
然之後呢個餐盒，又係令你好驚喜，有得食有得玩，一開個盒，就有一隻蝴蝶飛出嚟，隔離嘅女士真係俾佢嚇到呼叫，但之後見到呢個咁別出心裁嘅裝飾都覺得好有驚喜。
呢個餐盒裏面有多種唔同嘅刺身，有帆立貝，有鰤魚，有馬冀海膽，有真蠔，全部都新鮮而且擺盤擺得好靚，特別係隻真蠔，加上了酸汁同魚籽，仲要有隻幾大嘅蝦都係好好。
主菜我同朋友一人選擇一個，我就揀咗A5和牛，朋友食嘅係伊比利亞豬鞍，各有各好，睇你鍾意食牛定係食豬，不過要留意嘅係佢嘅配菜都好好食，尤其朋友豬鞍旁邊嘅薯仔，做得好好。
尾聲嘅甜品，叫做椰椰之歌，不嬲甜品都唔係我好愛嘅食品，但呢個都幾簡單得來容易為人所接受。
如果你係詹sir粉絲就一定會覺得物超所值，記得留意二月正場上映時間。
Post
