利苑酒家 (洗衣街)

Open Now

Now Closed

話說小弟係一名利苑酒家嘅超級死忠粉絲，平時去開沙田同觀塘分店最多，中環分店亦有幫襯過，今日放假一早有要事去旺角辦理，所以見附近佢哋有間分店就入去飲茶，一入到舖頭上緊樓梯近大魚缸位置已經聞到好大陣煙味，坐低位置咁啱又響風口底下，個風口又係咁噴一陣陣煙味落嚟，因為當時都比較肚餓唸住快啲食完快啲走所以都唯有死頂！每次都會叫我超喜歡食嘅鹵水掌翼，因為食過無數咁多間，得利苑嘅最有質素，而利苑響我心目中係叫乜都咁好味亦有極高嘅質素！但今次體驗令我完全改觀！碟鹵水掌翼直頭可以話係極差！！！第一眼望落去己見好多毛未清晒，第一口咬落去塊皮超韌，幾經辛苦咬開塊皮之後到啲肉，居然又硬又韌不特止，完全無味，食咗兩口之後唯有放棄！呢啲咁嘅質素居然會出現響利苑度！十萬分失望！！！經過今次嘅體驗，雖然呢間旺角嘅利苑分店令我咁失望，但都改變唔到我以後唔去利苑！因為我明白到係個別分店嘅問題，發誓以後寧願餓到胃抽筋都去番平時幫襯開果間分店！！！