點鍋

Open Now

Now Closed

已經嚟過好多次，帶唔同嘅朋友嚟佢哋都係零負評，而且質素都keep到。湯底好多選擇，最欣賞係蕃茄薯仔湯，入面個有牛肉一齊煲，有羅宋湯嘅感覺好濃好甜，配料亦好多選擇，又有手工餃手工丸，咸蛋黃炸魚皮同響鈴都係必試。醬料好多選擇，特別喜歡麻辣醬加醬油同醋呢個配搭，小小辣又好香。選擇之多同高質素可以感受到食店嘅誠意。地方坐得舒服，乾淨，啲碟唔會油淋淋，拎醬料嘅位置keep住會清潔，staff好有禮，十分欣賞會請聾啞人士，所有人都好好，好細心。有心經營嘅餐廳實在好少，所以第一篇嘅open rice食評絕對值得俾佢哋，由唔同嘅細節上都睇得出佢哋好有心經營，希望大家睇完都去俾個機會佢哋🤍。