包販子 (Closed)

牌子好出名嘅黃店，主要食包或者三文治。當日去到見到有下午茶餐單，不過等到六點有$240蚊二人餐，包括兩個自選麵包丶兩杯飲品丶同埋一個小食，計落去比較划算，所以就點左呢一個套餐。麵包方面，揀咗北京填鴨包同埋牛油果紫菜軟殼蟹包，小食揀咗鹽酥菇，飲品揀咗凍嘅mocha 同熱嘅奶油咖啡。北京填鴨包好有驚喜，醬汁入味仲有蔥絲，鴨肉大塊，好味，包面仲有餐廳既logo 標誌牛油果紫菜軟殼蟹包，小小油膩，而且食起上嚟比較麻煩，一路食一路會漏汁，大家揀嘅時候都要小心啲呀！鹽酥菇，一直好有期待，不過換來左失望，過於油炸，食落口唔夠乾身同鬆脆！飲品方面正常，奶油咖啡味嘅奶油唔係好出味，不過拉花好靚！黃店都係值得支持嘅！