上海佬飯店

Open Now

Now Closed

有啲期待，因為唔使再去集團嘅上海餐廳。復活節假期大概兩點鐘到，唔使等位，老板娘(？)仲行咗出舖外兜客。一坐低就有位職員遞上茶同兩碟小食(醃蘿蔔同淮鹽花生)。蘿蔔酸酸甜甜，懷疑係舖頭自己醃，鍾意食嘅可以買返屋企食，每樽$50(無見過真身，唔知份量)。叫咗兩個套餐，套餐送豆漿。雞扒擔擔麵+鍋貼兩隻同埋鮮肉水餃麵+酸辣老醋海蜇皮。估唔到雞扒係炸嘅，不過有啲乾。鍋貼肉餡味道唔錯，係略嫌煎得唔夠脆，同行友人嫌皮太厚(但我係鍾意嘅)。鮮肉水餃得三集，味道不過不失，麵嘅質地有啲淋。老醋海蜇皮正常嘢，無咩特別。要揾次晚市嚟食先知佢啲上海菜式同點心究竟好唔好食，值唔值得再幫襯。