Video
Read full review
2020-01-31
3823 views
用app拎定飛，去到好快有位。我地揀左90分鐘任食嚴選牛肉放題套餐，每位$139加一。藥膳麻辣鍋&千夜鍋但馬屋係一人一鍋，可以揀自己鐘意既湯底。藥膳麻辣鍋望落有好多藥材，湯底越食越辣，食到後尾都唔需要點豉油都好夠辣。千夜鍋望落似清湯，食落有d魚湯味，唔錯。嚴選牛肉&丹麥皇冠豚肉隨湯底送上2碟牛，1碟豚肉。 牛肉切得好薄，淥一淥就好快熟，口感唔錯，不過略嫌無乜牛味("友人"表示同樣都係最平個款，牛一個款比較有牛味)。豚肉就普通。火鍋醬料基本辣椒、炸蒜、生蒜、蔥、芫茜都有。火鍋配料望落好多選擇，丸類有墨魚丸、牛丸、貢丸、魚蛋、芝士腸，無蟹籽丸、芝士丸。我覺得貢丸、魚蛋、牛丸最好食，"友人"就鐘意墨魚丸同魚蛋。菜幾新鮮。其他配料芝士腸、金菇、羅白、粟米、南瓜、芋絲、松草花、海鮮菇、豆皮結、黃金蛋餃、豆腐、公仔麵同烏冬正常質素。最後2個人食左5碟牛同2碟豚肉。甜品雪糕係Haagen Dazs，當日有比利時朱古力、士多啤梨、焦糖布丁麻糬同焦糖脆餅。朱古力味照舊好食，士多啤梨唔錯，另外2款麻麻。飲品以罐裝飲品為主，另有自酙飲品：美肌排毒水、酸梅湯同雪梨茶，不過無試。侍應keep住refill火鍋配
我地揀左90分鐘任食嚴選牛肉放題套餐，每位$139加一。
藥膳麻辣鍋&千夜鍋
但馬屋係一人一鍋，可以揀自己鐘意既湯底。
藥膳麻辣鍋望落有好多藥材，湯底越食越辣，食到後尾都唔需要點豉油都好夠辣。
千夜鍋望落似清湯，食落有d魚湯味，唔錯。
嚴選牛肉&丹麥皇冠豚肉
隨湯底送上2碟牛，1碟豚肉。
牛肉切得好薄，淥一淥就好快熟，口感唔錯，不過略嫌無乜牛味("友人"表示同樣都係最平個款，牛一個款比較有牛味)。豚肉就普通。
火鍋醬料
基本辣椒、炸蒜、生蒜、蔥、芫茜都有。
火鍋配料
望落好多選擇，丸類有墨魚丸、牛丸、貢丸、魚蛋、芝士腸，無蟹籽丸、芝士丸。
我覺得貢丸、魚蛋、牛丸最好食，"友人"就鐘意墨魚丸同魚蛋。菜幾新鮮。
其他配料芝士腸、金菇、羅白、粟米、南瓜、芋絲、松草花、海鮮菇、豆皮結、黃金蛋餃、豆腐、公仔麵同烏冬正常質素。
最後2個人食左5碟牛同2碟豚肉。
甜品
雪糕係Haagen Dazs，當日有比利時朱古力、士多啤梨、焦糖布丁麻糬同焦糖脆餅。朱古力味照舊好食，士多啤梨唔錯，另外2款麻麻。
飲品
以罐裝飲品為主，另有自酙飲品：美肌排毒水、酸梅湯同雪梨茶，不過無試。
侍應keep住refill火鍋配料，配料區唔會好亂。椅下有得擺隨身物品都幾貼心。
但馬屋可以每人一鍋，醬油配料同飲品款式比牛一多。甜品係Haagen Dazs，而唔係乳酪。火鍋配料就2間差唔多。
不過其實我地60分鐘每人一碟肉都夠食，可以唔需要任食牛。可以視乎自己既食量同想食咩就去邊間。我就覺得90分鐘就但馬，60分鐘就牛一抵食d 。
(個人口味S: 3.2/5)
(個人口味E: 3.6/5)
Post
