餃餃餃子 (Closed)

今日有事要去入境處，搞掂都一點，要來個quick lunch。醒起喜帖街附近開咗呢間日式餃子店，之前未有機會，一於試吓。去到門口都有五六人等位，不過我自己一個，即刻有位。叫咗lunch set，16隻餃子配牛筋豆腐煮（跟白飯）。餃子味道幾好，個底脆口。餃皮厚度適中，不過隻隻黏著一齊，分開時好易整散。牛筋豆腐煮微辣，幾開胃。小店人手唔多，午市多客，服務都ok。個鋪唔大，不過坐落唔逼。埋單$90，灣仔區，唔算貴但又講唔上抵食。前後食咗30分鐘，名符其實quick lunch。