LM Cafe (Closed)

今日同同事去開觀塘出duty，之前聽friend講LM Cafe幾抵食，上餐又快，啱曬食完Lunch 又要返工嘅打工仔。入面環境唔錯幾舒服，空間幾大，位置又多，所以12點幾去到都好快有位唔洗等。我叫左香蒜牛油帶子意粉，帶子份糧都幾多，食落幾鮮甜，意粉軟硬度啱啱好，再加埋香蒜嚟炒，味道好夠又唔會油膩。套餐跟沙律同餐湯，沙律清新，羅宋湯酸酸地幾開胃。餐飲可以揀特色飲品，試左Green Tea Latte，好濃好滑，真心推介一試。另外，蜜糖雞翼煎得皮脆好香，入面好juicy,配埋蜜糖一齊食，令人越食越想食。