阿桂老友粉 (Closed)

今日中午同個老死唔知食咩好就周圍行下，見到呢間米線好似未食過喎，就膽粗粗走左入去食，因見到外邊張餐牌好似好多野食咁。口水雞雞肉入口好嫩滑，一啲都唔粗糙，而且唔算太辣，即使唔多食得辣嘅人都可以輕鬆駕禦。招牌脆皮肉肉質唔算粗糙，肥瘦適中，不過可惜入口有戰啲咸，如果淡味番小小就會更好了豬扒通心米線（加醬汁豚肉，肉醬，魚腐）搵麵款嘅時候不經意見到呢個通心米線，感覺幾特別，所以就叫左試下。入口發現米線非常之咁爽口，浸住湯都唔會軟淋淋。肉醬做得比一般嘅店舖做得更加細膩一點，肉碎量足嘅同時，醬又唔會太多，係肉同醬嘅比例上有一個幾好嘅平衡，令肉醬入口更惹味