Video
Read full review
2016-05-29
358 views
以前喺太子返工嗰陣成日黎呢間紅蔥頭食晏，但係一直都未試過食夜晚，今日同屋企人過到嚟，又唔想諗食乜嘢，見到紅蔥頭難得冇人等，就沖左入去食。望一望個餐牌，嘩，原來夜晚比晏晝多好多嘢食。今次我哋叫咗一個二人餐，都係＄248姐，我知你覺得係西餐廳來講係平嘅價錢，有兩個湯，兩杯野飲，兩個main course，再送兩球雪糕添。湯我哋叫咗一紅一白，我自己本身就比較鍾意飲紅湯，因為覺得呢度嘅紅湯足料，配佢個蒜蓉包相當唔錯。個白湯飲落好重奶味，反而無或者忌廉味我就唔係好飲得出，但係妹妹本身鍾意飲呢款白湯，滿足到中意奶味重既朋友仔。蜜糖汁BBQ豬仔骨估唔到咁大份，一上嘅時候真係嚇親我，雖然好但係整得一啲都唔老，我切得好輕鬆，豬仔骨咬落夠juicy，陪埋蜜糖汁甜甜地咁，三個人可以食到3，4舊左右，唔會到喉唔到肺，好滿足！配菜係薯條，外脆內軟，食食下會不自覺食晒，我又係咁樣食食下就比我阿妹鬧話，話我好食晒佢啲薯條。芝士焗茄子肉醬螺絲粉食完豬仔骨之後，個螺絲粉就有少少失色啦，(可能因為係個豬仔骨太好食)，其實如果返想食一個肉醬螺絲粉，其實係唔錯嘅，略嫌芝士少咗啲，但係個茄子焗完之後都冇變到乾爭爭喎，我覺得呢個
望一望個餐牌，嘩，原來夜晚比晏晝多好多嘢食。
今次我哋叫咗一個二人餐，都係＄248姐，我知你覺得係西餐廳來講係平嘅價錢，有兩個湯，兩杯野飲，兩個main course，再送兩球雪糕添。湯我哋叫咗一紅一白，我自己本身就比較鍾意飲紅湯，因為覺得呢度嘅紅湯足料，配佢個蒜蓉包相當唔錯。個白湯飲落好重奶味，反而無或者忌廉味我就唔係好飲得出，但係妹妹本身鍾意飲呢款白湯，滿足到中意奶味重既朋友仔。
蜜糖汁BBQ豬仔骨
估唔到咁大份，一上嘅時候真係嚇親我，雖然好但係整得一啲都唔老，我切得好輕鬆，豬仔骨咬落夠juicy，陪埋蜜糖汁甜甜地咁，三個人可以食到3，4舊左右，唔會到喉唔到肺，好滿足！配菜係薯條，外脆內軟，食食下會不自覺食晒，我又係咁樣食食下就比我阿妹鬧話，話我好食晒佢啲薯條。芝士焗茄子肉醬螺絲粉
食完豬仔骨之後，個螺絲粉就有少少失色啦，(可能因為係個豬仔骨太好食)，其實如果返想食一個肉醬螺絲粉，其實係唔錯嘅，略嫌芝士少咗啲，但係個茄子焗完之後都冇變到乾爭爭喎，我覺得呢個係一個出色嘅位。因為三個人嘅關係，所以我哋另外買多咗個餐，再加＄25要多個沙律同埋飲品。
沙律要特別提吓啲菜好新鮮，唔會係啲放咗好耐乾爭爭既菜，好少見到平民西餐廳會用沙律醋，酸酸甜甜又唔會覺得漏，唔錯！
芝士忌廉煙三文魚焗飯
呢個焗飯又想上得幾快喎，芝士做到拉絲嘅效果，忌廉濃郁，煙三文魚呀份量好多，有一部份係熟咗係焗飯入面，除此以外亦有一啲新鮮嘅煙三文魚係飯面，非常足料，味道啱啱好！食完之後，侍應就問我地想食乜嘢味嘅雪糕，原來有好多款揀架，除咗普通常見嘅芒果士多啤梨雲呢拿嗰啲，仲有豆腐，麥茶呢啲唔常見嘅味道，梗係要叫黎試吓啦！經理好好人，見我哋有三個人就送多球雪糕俾我哋，上枱嗰陣仲畫左啲decoration，靚到好似係甜品店食咁呀！
食到飽飽埋單都係四百頭姐，位位百零蚊嘅價錢，就可以食到三百幾蚊嘅美式扒房嘢食，絕對係超值之選！
Post
