新南苑雞煲小菜點心 (Closed)

一向嚟呢度都係食晚飯，今日食午餐，叫咗鹹魚鷄粒炒飯同乾炒牛河，估唔到都幾有水準！⭕️ 鹹魚鷄粒炒飯一上枱已聞到香噴噴，好香鹹魚味，鷄粒有爆過，啲飯粒粒分明但唔乾，唔多油，好有功力的炒飯，好耐未食過咁好食嘅鹹魚鷄粒炒飯😋😋⭕️ 乾炒牛河炒得都唔錯，幾好食，炒河嚟講唔算太多油，如果再鹹返少少就更好，牛肉份量都OK.午餐呢個價錢包飲品都抵食，不過晚市就貴，要62蚊一碟唔包嘢飲，比同區茶記貴，同區的晚市大約五十幾蚊包例湯。比起同區，呢間個廚係特別有水準好食，但係偏貴，晚市七、八十蚊一碟小菜偏細碟（淨小菜，唔包白飯、例湯或飲品），尤其係肉類小菜，一家三口食，每人都食唔到幾舊，鷄煲就比較抵食，所以間中想食好味啲先至嚟呢間。