金田家 (Closed)

金田家喺荃灣開咗咁耐，我哋都未試過，今日終於的起心肝黎試吓九州第一拉麵!! 首先第一感覺係餐廳嘅空間感十足，枱與枱之間唔會太迫坐得舒適，走廊位夠擺一台麻雀，真係好誇張。點左招牌嘅豚骨拉麵，叉燒薄薄的不太油膩，拉麵可以揀曲面或幼拉麵，自己比較喜歡幼拉麵，即係似一蘭嗰隻拉麵，豚骨湯底濃郁好好味，係可以encore嘅一間餐廳。另外仲點咗日式炸雞，呢個菜式都好穩陣，味道正常，不過不失。