四季湯館

Open Now

Now Closed

一路行去荃灣廣場搵野食，終於記得哩間系荃灣評價都幾好，性價比話高的食店。12點40去到得三四個客人，但再過10分鐘已經坐滿同排曬隊，好運啊！鼓蒜白鱔蒸飯（$55）5分- 真系好難得有一人份白鱔飯，最多系夜晚煲仔飯鋪頭有，但哩度價錢好親民。-白鱔雖然吾厚，但無論味道，彈口，新鮮度都非常超值。- 一上檯已經聞到蒜香味，食落真系好正，應該系爆炒過蒜頭，豆鼓份量吾多剛剛好，無搶走蒜味。融落白飯真系好味到不得了。菠蘿咕魯肉飯（$48）3分- 分數吾高主要系咕魯肉份量真系比較少- 咕魯肉酸甜適中，仲皮脆肉滑。- 配菜都足夠，尤其是菠蘿真系好有菠蘿味。